E kuminsamentu

Tur kos a kuminsá pa medio di un idea di 20 aña pasá. Johnny Craane, trahadó di boto i marinero, a ser aserká pa historiadó lokal Boi Antoin tokante un boto yamá Stormvogel.  Poko poko e boto di karga bieu tabata deteriorá den un awa na Kòrsou.  Craane i Antoin ta kere ku e boto aki mester ser salbá pa motibunan kultural i históriko i a tuma kontakto ku e famia ku tabata doño di dje. Miembronan di famia tabatin pensamentunan dividí tokante kiko pa hasi ku e boto trahá na Boneiru. E  stürman di e barku a krea indesishon, i esaki a kousa mas diteriorashon na e barku.

Stormvogel at Baai MacolaAñanan despues François van der Hoeven, un habitante di Kòrsou, a tuma nota di e Stormvogel na un lugá yamá Macola Bay. El a realisá ku e boto aki tabata e último di e estilo aki trahá riba e islanan ABC i tabata determiná pa salb’é.  Van der Hoeven a tuma kontakto ku Craane i Antoin i nan a bin komprondé ku ainda e famia Felida tabatin pensamentunan dividí tokante futuro di Stormvogel.

Miéntrastantu, Van der Hoeven i su amigunan tabata pòmp awa saka for di e boto pa e keda drif.  Pa añanan largu e aktividat seminal aki a tuma lugá miéntras poko poko e boto di karga bieu tabata putri bai. E ora ei un dia el a lesa un artíkulo den  e revista Wooden Boat Magazine, skibí pa Patrick Holian, un habitante na Bonaire. Siguiente dia el a yama Holian.

“Aki tin un boto di palu yamá Stormvogel i e ta serka di senk.  Mi ta tratando pa komuniká ku e famia di Boneiru kual ta doño di dje i haña permit pa sak’é. Mi tin gana di sa si bo por yuda mi?”

“Dikon ta importante pa salba e boto?” Holian a puntra.

“Awèl, e ta e último di e barkunan di karga den e islanan ABC i el a ser trahá na Boneiru.”

Esei Holian mester a tende. A bis’é pa tuma kontakto ku Bois Thomas, un yu hòmber di Martin Felida, ku ta e doño original i kapitan di e barku. A bin resultá ku nèt Holian a konosé Thomas pa promé bia, dos siman despues di e yamada. Denter di sinku dia, Bois i su ruman muhé Shirley, e otro miembro di famia responsabel pa Stormvogel, a firma un papel dunando un organisashon sin-ganashi permit pa hala e boto trese tera.

Denter di algun siman, Holian a rekoudá e $650 nesesario pa registrá un fundashon sin-ganashi. Un direktiva a ser formá ku Boi Antoin-presidente, Johnny Craane-na kabes di restorashon, Eric van de Keuken-tesorero, i Holian-sekretario.  François van der Hoeven a aseptá su posishon komo miembro-di-distansia. Dia 13 di Novèmber 2014, Fundashon Patrimonio Marítimo Boneiru, a ser establesé.

Un luna despues, famia Felida a bende Stormvogel na e fundashon pa un biyete di un dòler simbóliko.  E ora ei a start e preparashon pa trasladá e barku históriko bèk pa Boneiru.  Stormvogel a yega e waf na kas dia 25 di mart 2015, na unda a kuminsá ku un restorashon ekstenso di e boto bieu.