Nabegashon Na Skol ("Zeilen Op School")

ZOS Logo PAP cmyk

Nabegashon Na Skol ta un proyekto edukashonal edukativo di Fundashon Patrimonio Marítimo Boneiru. E ta trahá pa siña alumnonan di grupo 6 i 7 (9 – 11 aña) tokante e herensia marítimo riku di e islanan ABC. E kuríkulo/lèsnan a ser desaroyá pa integrashon den lèsnan di historia òf orientashon general. E tópikonan ta inkluí Maltempunan i Noufragio, Komersio Marítimo entre e Islanan ABC, E Nòmber Stormvogel (deskubriendo e sekretonan di e barku Stormvogel), Kon ta traha un boto, Kontrabanda i e Bida na Bordo di un Boto di Karga.

Paketenan di lès ku ta hopi agradabel i kla pa maestronan uza, aktividatnan durante di lès tambe un kues ku ta kumpli ku kuríkulo di skol. Material digital/”online” ta inkluí potrètnan históriko, imágennan di sosten i vidionan basá riba entrevistanan ku nabegantenan i trahadó di botonan di e islanan nan temporada grandi di nabegashon. E lèsnan ta kumpli ku e DIM (Directe Instructie Model). Esaki ta un modèl edukashonal desaroyá pa skolnan den Reino Hulandes. Nabegashon Na Skol ta gratis optenibel na papiamentu i hulandes (Zeilen Op School), pa maestronan di grupo 6 i 7.

 


Turnan di Stormvogel / Bandera riba!

BanderaRiba

Ora e tim di restorashon ta trahando, nan ta hisa un serpentina di 10 pia (3 meter) haltu riba e boto, komo un señal pa tur hende sa ku e rekonstrukshon ta andando. Ta: Bandera Ariba! na El Navegante Boatyard na Hato, djis nort di e planta di desaliná awa. Pasa un ratu i tira un bista riba e barku históriko aki. Ta un chèns pa siña tokante Boneiru su pasado maritimo riku, ofresé un man komo parti di e tripulashon òf kumpra un T-shirt di Proyekto Stormvogel. Tur fondo ta bai dirèkt pa materialnan i reserva pa restorashon di e boto.

 


Eventonan speshal

E fundashon ta presentá eventonan públiko, pa asina e habitantenan i bishitantenan por siña tokante e herensia noutiko riku di e isla. Aktualmente tin un eksibishon di potrèt na Museo Terramar, na unda un ratu por wak e pasado marítimo di Aruba, Boneiru i Kòrsou. Wak nos página di kas na unda a aktualisá/”update” futuro eventonan speshal.

 


E hóbennan trahadó di boto

JrShipwright

Esaki ta un programa edukashonal informal di 10-ora ku ta envolví hóbennan, edat 12-20 aña, pa yuda restorá Stormvogel, e último di e botonan di karga di e islanan ABC ku tababa nabegá.  Partisipantenan ta haña eksperensia di trabou dirèkt dor di traha huntu ku trahadónan di boto Boneriano miéntras nan ta kumpli ku nuebe ora di trabou pa ku restorashon di e boto.

Awor ku tin sinkuenta partisipante bon prepará, Hóbennan Trahadó di Boto a kosechá palu, kita kinichinan putrí, traha kinichinan nobo pa e erante di Stormvogel i a yuda ku otro tareanan di restorashon.  Adishonalmente nan a siña tokante Boneiru su pasado marítimo mediante charlanan di 1-ora di e historia noutiko di e isla. Hóbennan di Scholengemeenschap Bonaire (SGB), Junior Rangers i CIEE Research Station a partisipá den e programa. Si bo tin gana di djòin e esfuersonan pa ku e restorashon, tuma kontakto ku This email address is being protected from spambots. You need JavaScript enabled to view it..