Un di e metanan prinsipal di Fundashon Patrimonio Maritimo Boneiru ta: restorá botonan di e islanan ABC ku tambe tin nifikashon históriko pa e islanan ABC. Durante di e proseso ei nos ta inkluí hóbennan den e proseso. Pa nan siña/logra e abilidat di traha boto i tradishonnan dor di traha ku trahadónan di boto adulto.

Nos proyekto aktual ta restorá ‘Stormvogel’: e último boto di karga den nos region, ku tabata nabegá. E boto ku tabata ‘kòrta’ riba laman, lokalmente konosí komo balandra, a ser trahá na Boneiru na 1951 i tabata hala karga, hende i bestianan entre e islanan pa dékadanan. Stormvogel a keda putri den e awanan patras na Kòrsou. Pero e fundashon a salb’é na 2014.

Pa mas informashon di e restorashon, wak nos página dediká na Proyekto Restorashon Stormvogel.