Stormvogel ta e último di e botonan di karga bushi ku a ser trahá na Boneiru. Na 1951 kapitan Martinus Ramos Felida a garantisá un kòntrakt lukrativo pa transportá tankinan di propan entre Kòrsou i Boneiru. Jan Efteban Felida, tata di Martin, a finansiá e trahamentu di e boto. I Etche Craane, e trahadó di boto lokal, a trah’é kant’i laman na Playa Pabou nèt parti nort di e kapital Kralendijk. A haña i kompilá hopi di e palu ku a ser uzá, den mondi di Boneiru. “Nos a buska palu duru den e serunan”, Felida ta kòrda. E ta un famia di Martin ku tabata traha riba Stormvogel. “Nos tabata skohe takinan ku forma speshal pa pas den e forma di kurva di e bodega. Algun di e palu a bini for di tereno di gobièrnu, pero mayoria nos a kosechá for di un tereno privá di famia”.

etche craane
Etche Craane
Jan Felida
Jan Felida

 

E trahadónan di boto a traha Stormvogel den sombra bou di un pal’i tamarein, kant’i laman. Unabes esei tabata kla, a fèrf e bodega blou pa asina e parse e plumashi koló skur di e para na ken el a ser yamá, e storm petrel. E bela prinsipal tabata trahá di sprit i un bog di sprit di 2-meter largu tabata tene e dos bela di dilanti. Esaki ta pone Stormvogel move hopi lihé. Ismael Soliano, awe na edat di 86 aña, ta konta tokante e barku su abilidat ekstra-ordinario di nabegá na momento ku e tabata riba su promé biahe den e bientu biniendo for di Aruba pa Boneiru. Ratu ratu Soliano tabata fungi komo kapitan, logrando kuater aña na timon. “Ora nos a sali for di Aruba, nos a kore e kosta di Venezuela pa mas di un dia. Den anochi nos a dal un tèk pa nort. E ruta aki a hiba nos stret Kralendijk. Nos a kompletá e biahe den solamente dos dia. Un boto hopi lihé!”

Ismael Soliano
Ismael Soliano

 

Algun aña despues di a lansa e biahenan, Martin Felida a pèrdè e kòntrakt pa transportá gas propan. Un barku moderno, di disel, sinku bia mas largu ku Stormvogel a haña e trabou/kòntrakt. A yega ora pa e kapitan negoshante mehorá/improvisá. El a kuminsá nabegá ost na e islanan Venezolano di Margarita, Los Roques i Islas de Las Aves: e islanan di e paranan. Ei Felida tabata kumpra piská fresku, tap’é ku eis den e bodega di e boto i pusta bai bèk Boneiru pa bende loke el a fangu ku klientenan ansioso. Pero kuminda di laman no tabata e úniko karga di bestia ku tabata ser transportá. Lucio Soliano di setentinuebe aña i ku tabata un matros riba dèk di Stormvogel tempu ku e barku tabata nabegá, ta kòrda transportashon di kabritu bibu. “Nos tabata transportá 80 – 90 kabritu for di Klein Bonaire (Boneiru su isla chikitu no-habitá) i entregá nan na Kòrsou. Nos tabata pone mas tantu ku nos por bou di e dèk i mara e sobrá riba dèk. Ku un personal di sinku, tabata bastante pèrtá.”

Na prinsipio di añanan 60, motornan disel tabata birando konosí riba e islanan ABC. Den un intento pa keda kompetitivo, Felida a hiba Stormvogel Kòrsou i el a instalá un motor chikitu. Tambe, pa un motibu misterioso, ei el a laga registrá e boto bou di e nòmber Rosalinda ku e number ofishal NC 992. Algun ta bisa ku e kapitan tabata honrando un yu muhé di dje ku yama Rosalinda. Otronan ta uza e teoria ku e nòmber tabatin konekshonnan amoroso pa ku un di Felida su kantidat grandi di amiga.

Martins Felida
Martin Felida

 

Segun añanan ta pasa i kompetensia entre e barkunan di karga tabata oumentá, otro misterionan di Stormvogel a ‘lanta kabes’. Personal di antes ta bisa ku Felida a drenta e negoshi di kontrabanda. Botonan di spit tabata transportá alcohol i sigaria ku tabata liber di impuesto pa Klein Kòrsou: un isla hopi chikitu ku ta dies kilometer ost di Kòrsou. Manera a ser reportá, a pone e kontrabanda den Stormvogel. I den skuridat di anochi a entregá esakinan na e bokanan isolá na kosta di Venezuela. Si ta berdat, ser kapdó di palu lo mester a sali Felida di bon, komo ku e no tin nota di aresto.

Na prinsipio di añanan 90 e kapitan a hasi un drechamentu grandi riba e boto di karga bieu. El a instalá un 1.6 ton motor di disel masivo. E bodega kompleto tabata mará den fiberglas di poko mantenshon i un kabina grandi riba dèk dòrná ku pan di gèmber, tabata tapa e parti patras di e boto. Tambe, pa motibu deskonosí, Felida a kambia e nòmber di NC 992 bèk pa Stormvogel. Añanan despues, e barku a proba di ta muchu mas ku e kapitan di edat a spera. El a keda putri den awa di dam na un waf. Djis despues Martin Felida a muri, lagando tur su yunan komo doño di e boto.

1993 Stormvogel Caracasbaai
Stormvogel at the docks in Caracasbaai, Curaçao, early 1990s

 

Ya pa añanan e Boneriano trahadó di boto Johnny Craane i historiadó Boneriano Boi, kier a salba e boto pero e famia Felida tabatin otro ideanan. E ora ei na 2012 Francois van der Hoeven, un matros i fanátiko di historia marítimo, a deskubrí kon poko poko Stormvogel tabata senk den un bahia na Korsou. Van der Hoeven a komprondé e gran balor históriko di e boto i e tabata sa ku e mester hasi algu lihé. Pa tres aña largu, tur siman, Francois a pòmp awa saka for di e boto miéntras el a trata pa haña esnan na Boneiru interesá pa salba e boto. Porfin na novèmber 2014, algun habitante boneriano a forma Fundashon Patrimonio Marítimo Boneiru; a tuma kontakto ku representantenan legal di Martin Felida su famia i a sòru pa bira doño di Stormvogel. Ainda tabatin e aspekto di logra yega kas bèk kuné.

Francois enjoying the spacious cargo area
Francois van der Hoeven enjoying the spacious cargo area

 

Van der Hoeven no a pèrdè tempu. El a mira un espasio liber na e kurá di boto: Curacao Marina. I el a laga saka e boto. E ora ei el a reuní un grupo di dies voluntario entusiasmá. Denter di kuater luna, nan a pone Stormvogel den su posishon históriko. E promé tarea tabata pa saka 1500 kilo di blòki di semènt ku tabata wardá den e bodega. Un bia Biofuel Curacao a pòmp 300 liter di gasoil i 12 liter di zeta di motor saka for di barku. E personal a saka e dos tanki di gasolin grandi. Nan a kaba na momento ku nan a saka insulashon di foam, pidanan di palu putrí i un stür ku no ta funshoná. E ora ei van der Hoeven i tres otro persona a kòrta e motor di disel masivo, ku tabata frusa, for di e barku. Despues, ku un kran, nan a saka e motor for di den e bodega. Na tur, e grupo a saka mas di tres tòn i mei di material indeseá. Stormvogel tabata kla pa bai kas bèk, pero no sin algu di duele. Manera e voluntario Nicky Pietersz a skibi: “Ku sentimentunan miskto mi ta skirbiendo e emeil aki. Nos Stormvogel a bandoná Kòrsou 17:25 i lo yega su lugá bèk, Boneiru, masoménos 21:30. Sperando ku boso lo pasa mes bon durante su restorashon, manera ku nos a pasa durante e trabounan di preparashon pa transport’é.”

Curacao crew at departure
Stormvogel with its Curaçao crew at departure

 

25 di mart Tabata un dia di alegria / goso na Boneiru. E boto di karga bieu ku awor tabata mará na un trailer speshalisá, a ser bahá for di un bapor di karga lokal: Doña Luisa. Hendenan a aploudí miéntras un polis a kompañá e boto te na Navegante Boatyard. E doño, Lele Davidsson a duna e fundashon permit pa durante restorashon, pone e boto den e kurá pa un aña sin paga hür.

Bonaire arrival crew
Stormvogel with its Bonaire crew at arrival