volunteer1volunteer2

Mester pone hopi man na obra, pa restorá un boto bieu. Te dia djawe, 50 hende a traha riba e Proyekto di Stormvogel i nos ta gradisí nan tur. Pero aki tin un man yen di persona ku a dediká tantu ora di trabou na salba e boto bieu.

 

Bruce small

Bruce Halibisky.  Bruce tin 20 aña komo trahadó di boto profeshonal marinero karpinté ku ta fungi komo un kònsùltent durante e restorashon di Stormvogel. Hopi bia e ta ofresé konseho for di su kas riba Orcas Island den Puget Sound, USA. Na 2015 Bruce a ser otorgá e Ed Monk Scholarship dor di e Sentro pa Botonan di Palu. Pa medio di esaki, Bruce por a bishitá Boneiru i a duna konseho direkto dor di krea algun liña den pintura (e proménan di Stormvogel), i aktualmente ta trahando un 3-D modèl di e barku su bodega. Esakinan ta guianan esensial ku e personal di restorashon lo uza durante Fase Dos.

 

Jim small

Jim “Chainsaw Wizard” Madden.  Jim tin un parti krusial den kòrtamentu di palu pa remplasá Stormvogel su bòdi/erante putrí, ku pa masoménos 80 % mester ser remplasá. El a desaroyá hèrmèntnan speshal pa kòrta palunan diki di kui (mesquite), un palu lokal ku originalmente a ser uzá den Stormvogel.  Jim ta traha masoménos 25 ora pa siman riba e boto.

 

Uz small

Uz Everts.  Uz tabata traha kasi tur wikènt, tempu ku e grupo a kuminsá kompilá palunan for di den mondi di Boneiru. Tambe el a yuda algun hóben trahadó di boto, dor di siña nan kon pa kompilá palu i uza hèrmèntnan pa kita kinichinan putrí for di den e bodega.

 

BruceDavis small

Bruce Davis.  Bruce tin hopi eksperensia trahando ku palu: el a traha su propio kas na New York State, USA, di staka i balki. Tambe el a yuda traha kasnan pa Habitat Pa Humanidat na post-Katrina New Orleans. Siendo un persona ku ta biba na Boneiru den wenter, Bruce sa hasi tur kos: di fabriká bròns te forma kinichi pa Stormvogel su bòdi/erante. 

 

Bob small

Bob Craane. Bob Craane. Bob ta subrinu di Johnny Craane, kabesante di restorashon di Stormvogel. Ku gran orguyo, e ta partisipá den e historia pa loke ta trata su famia i trahamentu di boto. I su trabounan inkansabel riba e boto bieu di karga, for di 2015 ku a trese e boto bèk Boneiru.