Stormvogel a yega kas bèk, esta Boneiru, dia 25 di mart 2015. For di e dia ei, e barku di karga bieu ta den e Navegante Boatyard na Hato. Danki na e doño Lele Davidsson ku a duna e fundashon permit pa warda e boto gratuito durante restorashon.

coming home

Un kantidat di aktividat a sigui.  A hasi un balotashon profundo pa ku e kondishon di e boto.  A  konkluí ku 80% di e struktura original mester ser remplasá. Direktiva di e fundashon unánimamente a disidi ku tabata di baló tur esfuerso i gastu pa salba e último marka/señal aki di e dianan grandioso di nabegashon for di e islanan ABC.

stormvogels interior

Kabesante di e restorashon, Johnny Craane, i voluntarionan a kuminsá na remplasá e kinichinan di e erante i sostennan di parti paden di e boto pa por mantené e boto su forma original durante di konstrukshon.  Konsultante Bruce Halibisky a ofresé tantu konseho i enkurashamentu komo un sèt di detaye di pinturanan di liña, esnan promé pa Stormvogel. Mayoria trahadó di boto di e ultimo siglo, tabata dependé riba eskperensia, intuishon i kisas un mitar-modèl pa ku trahamentu di un boto.

Johnny BruceHJSers Ribs

E grupo di restorashon a kuminsá kompilá kui, e erante di nan eskoho ku tin den e Stormvogel original. Plachinan/apartonan pa zag i mulinanan a ser desaroyá pa por kòrta e palunan masivo i hasi nan kinichinan bon formá. A kumpra baranan. I boutnan a ser fabriká pa mara e kinichinan huntu. Kinichinan bieu a ser renobá/drechá i a kita esnan putrí.

harvest mill trees square

Tin 38 kinichi na kada banda di e boto. Unabes e erante ta kompletamente tapá ku palu, instalashon di  balki i ponementu di e dèk ta sigui.  Mast i spritnan lo ser poné, siguí pa e spannan. E interior di Stormvogel lo ser transformá den área di museo interactivo i mantené mas tantu posibel den su estado original.

Na momento ku e restorashon ta kla, Stormvogel lo bira e Museo Marítimo di Boneiru. E boto lo ser trasladá pa un lugá bisto kantu di laman na unda tur hende-studiantenan, ansianonan, demas habitantenan i turistanan-lo mira Boneiru su pasado noutiko ku ta un rikesa. Voluntarionan lo ofresé turnan na bordo di e boto i splika kon bida tabata pa e nabegantenan di nos isla. Parti abou di e dèk, bishitantenan lo wak fotonan históriko, artefaktonan marítimo i filmashonnan kòrtiku di e era di nabegashon di e islanan ABC.

Museum Stormvogel web

Eventualmente lo pone Stormvogel bèk den laman pa e bira un museo flotante. Tambe e boto lo bira un barku pa hóbennan praktiká riba dje: nabegantenan adultonan voluntario lo nan e abilidatnan di marineronan, nabegashon, seguridat marítimo i mantenshon di boto. Na okashon lo tin nabegashon históriko durante bahada di solo. Esaki lo duna habitantenan i turistanan un eksperensia di ántes, kon sa ta pa nabegá riba e botonan di karga grandi. Studiantenan ku a terminá e Programa di Nabegashon Stormvogel Seamanship Program lo yuda e hendenan subi na bordo. Tambe tin plan pa bai Kòrsou i Aruba riba tur di dos-siman ku Stormvogel . Lo invitá hende pa subi na bordo pa un tur riba dèk. I bou di dèk por wak artefaktonan i eksposishon di media.

sails and sky